Толомдар үҫтерәм(шиғыр). Фәрзәнә Ғөбәйҙуллина

Толомдар үҫтерәм ( шиғыр ) автор Фәрзәнә Ғөбәйҙуллина

.Нәшер ителгән: 2006 йыл. Сығанаҡ: "Туған тел".-Өфө"Китап",2006 йыл

Толомдар үҫтерәм

Йоҡларға ятҡас, әсәйем
Толомдарын тағата,
Бөҙрәләнгән сәстәрен
Мин тарарға яратам.
Йылға һыуына оҡшаған
Әсәйемдең толомо,
Хуш еҫтәре аңҡып тора
Гөл-сәскәле болондоң.
Сәсемде тартһа ла Рәшит,
Һис тә унан ҡурҡмайым,
Толомдарымды үҫтерәм
Оҙон итеп, ҡырҡмайым!
 
 

2006 йыл

---